Twiterren erabilera didaktikoa proposatzen digun esperientzia

" Tres Tizas " izeneko bloga kudeatzen duten bost irakasletako batzuk (hasieran hiru ziren, hortik blogaren izena)  aspaldiko lagunak ditugu. Oraingo honetan gurera ekartzen dugu, hainbeste zabaltzen ari den twiter, irakaskuntzan erabiltzeko proposamen  hau. Ea gustatzen zaizuen:

" Con la cabeza a pájaros "

Testu errepertorioa euskeraz eta gaztelaniaz

Hizkuntzen Trataera Bateratua izeneko programan aritu garenok, orain urte batzuk direla, "testu errepertorio " hau prestatu genuen. Ikuspegi komunikatiboan oinarritzen den hizkuntzen irakaspena planteatu genuenean, gure proposamen didaktikora egokitzen diren testu anitzak bilatzearen beharrean aurkitu ginen. Hau da , TESTU ERREPERTORIOA behar genuen. Honek esan nahi du , testu bilduma anitza izango dela, bai euskarriagatik (ahozkoa zein idatzia ) bai helburu, eremu, gaia, tipo eta generoagatik, hemen aurkituko duzuena. Testuak euskeraz edo gazteleraz daude ( hasieran asmoa zabalagoa bazen ere). 

Errepertorioaren sailkapena egiterakoan , testu tipoak, testu generoak, eta eremuak hartu ditugu abiapuntutzat. Dato guzti hauek, izenburuarekin batera, testuen bukaeran dagoen laukitxoan jaso ditugu. 

Antología poéTICa

Silvia González Goñi Iruñako Gaztelaniako irakasle bat da (gaur egun Basoko Institutuan lan egiten du).  Eguneroko klasetan oso txertatua du teknologi berrien erabilera , nahikoa da bere blogak jarraitzea hori ikusteko; " Lenguetazos Literarios " da, agian, ardatz nagusia. Esperientzi original asko proposatzen ditu, hemen, gaur,  bat nabarmenduko dugu; interneten eguna aitzakiatzat  hartuz lan hau burutu zuten:

" Antología poéTICA de poemas de la lírica española versionados por alumnos con terminología 2.0 "

"El tinglado" izeneko blogean lan-proposamen ugari Gaztelaniar Hizkuntza eta Literatura lantzeko

Javier Escajedo, Lengua Castellana y Literaturako irakasleak, koordinatzen du "El Tinglado" izeneko blog-kolektiboa. Taldea osatzen duten irakasletako asko oso ezagunak dira (  Lourdes Domenech  edo Felipe Zayas adibidez ).
Bertan, 150 etik gora lan proposamen eta berauek garatzeko behar diren material guztiak gure esku uzten dituzte.

"El tinglado"

IKTen erabilera Hizkuntzak lantzeko

Eduardo Larequi Garcíak, Nafarroako irakasleak,  ”Propuestas para la integración de las TIC en el área de Lengua Castellana y Literatura” izeneko jardunaldi batzuetarako prestatu zuen hemen aurkezten dugun web-orri hau. Bertan, oso ondo ordenatuta, jasotzen ditu bailabideak, IKT lan-tresnak, praktika onen adibideak eta abar.

Komikiak online sortzeko tresna

GenMagic orrialdean komiki laburrak online sortu eta pdf bezala gorde daiteke. Hauek dira ezaugarri nagusiak:
- Hondoko irudia aukeratu ondoren, eszena hurbil daiteke.
- Pertsonaiak handitu eta bira daitezke.
- Mota desberdinetako bunbuiloak eskaintzen ditu.
- 'Arkatza' erabiltzeko aukera du.
- 'Nombre' eta 'Fecha' laukiak edita daitezke.
- Izenburua bertan idaz daiteke.
- Komikia ezin da interneten utzi edo bukatu gabe ordenagailuan gorde, baina paperez inprimatzeko aukera dago.

Kixoteari buruzko bloga

Veo Quijote blogean Don Quijote de la Mancha liburuarekin lotutako hainbat baliabide, proiektu, informazio... jasotzen dira. Hona hemen adbide batzuk:

• El Quijote sincopado proiektuan DBHko 3. eta 4. mailetako ikasleek On Kixoteren zenbait pasadizo islatzen dituzte stop motion motako bideo grabazioen bidez. Lotura honetan ikasleen lanak ikus daitezke.
• Mallorcako institutu bateko ikasleek egindako bideoa Playmobil jostailuak erabiliz. 
• Lehen Hezkuntzako ikasleen irakurketak.

Audioa erabiltzen duten zenbait jarduera

Audio fitxategiak erabiltzen dituzten zenbait proiektu:

• Audiolibruak: San Walabonso ikastetxeko ikasleek grabatutako narrazioak eta olerkiak. Adibideak: El Lazarillo de Tormes, La Odisea, Poemas de Miguel Hernández, Fábulas para niños y niñas, La Eneida
• Audiohiztegia: El Quijote liburuari buruzko ahozko hiztegia.
• Ikasleek sortutako testu laburren bilduma bat: "Si yo fuera un libro".
• Emandako testu batetik sortutako deskribapenak: "Cinco palabras"
• Irratia: Podcast Bolintxu

Hizkuntza idatzia / Lengua escrita

Aurreko mintegi saioan aukezketu genuen Berritzegune Nagusiak prestatutako sitesa :"Ikasten IKTen bidez".
Ikusi hemen bertako proposamenak eta materialak hizkuntza idatzia lantzeko:

• Euskerarako
• Gaztelaniarako 

Lengua Castellana: "Saca la lengua", Aitor Lazpitaren bloga

Aitor Lazpita, Granadako eskola batean lanean ari den, Bigarren Hezkuntzako Lengua Castellanako irakaslea da. "Saca la lengua" bere blogean eskolan egiten duena jasotzen du. Bertan eskuratuko dituzue idea asko, berauek gauzatzeko materialak eta ikasleen lanak. Guk, horiek guztietatik, gaur bat azpimarratuko dugu: "¿Quién eres?" proiektua.
Proiektu honen azkeneko ataza, ahozko azalpen bat egitea da. Honetara iristeko bidean, gurutzegrama bat, norberaren autorretaratoa, eguneroko bat eta irakurmeneko zenbait jarduera egin beharko dituzte

El Quijote 'tuiteatzen'

Noticias de Álava egunkariaren artikulu honetan Ekialde BHIko DBHko 2.mailako ikasleen proiektu bat deskribatzen da: Twitterren bidez Kixoteren ibilerak kontatzea. Ikastetxearen web guneko orri honetan telebistan eta irratian emandako proiektuaren berriak ikus edota entzun daitezke.

Proiektuaren Twitter orria eta ikasleen 'tuitak' bakarrik irakurri ahal izateko Storify orria.

Gaztelaniar Hizkuntza eta Literatura lantzeko baliabide batzuk

"Cíceros"  izeneko proiektuan DBH eta Batxilergoko maila guztiak jorratzen dira. Proiektu honek baditu urte batzuk, baina oraindik jende askok ez du ezagutzen.Azkeneko eguneraketa 2011ko abuztuan egin zioten. Bertan material ugari, oso ondo antolatuta eta guztiz erabilgarria eskuratu dezakezue; baita enziklopedia oso bat ere.


María (Grisel) Foz Tomás-ek, Lengua castellana y Literatura-ko irakaslea Zaragozako  IES Tiempos Modernos -en, prestatu du web-orri hau.Gainera azkeneko eguneraketa 2012ko azaroan egin dio.
Bertan, DBH-rako eta Batxilergorako materialak ( testuak eta ariketak, irakur-gidak, web-questak, literatur generoei buruzko aurkezpenak...) dituzue eta horietako asko deskargatu daitezke. Bereziki azpimarratuko nuke, beren originaltasunagatik bi web-quest: bata, DBH-ko 1.zikloan narrazioa lantzeko eta errepasatzeko eta bestea, 2.ziklorako. " Las mujeres en la literatura medieval ".


" Media " izeneko proiektu honek ere urte batzuk ditu, baina, web bakar batean, prentsa, irratia, telebista, zinea eta publizitatea jorratzen dira.Zabala eta sakona da, eta oso ondo antolatuta dago dena

Mungia BHIko irakasleek argitaratutako web-ak, Euskera, Gaztelania, Geografia eta Historia lantzeko

Berriz ere ekartzen dugu gure blogera Mungia BHIko Make izeneko irakasleak prestatutako web bat. Hau, Lanbide Hezkuntzako goi mailako zikloetarako Sarbide froga prestatzeko pentsatuta dago, baina edozein irkasleri lagungarria izango zaio, bai Euskerako, bai Gaztelaniako baliabide asko eskura izateko


Historia Mintegiko irakaslea den, Marije Aguillok, blog hau bere ikasleek materialak kontsultatzeko, lanak egiteko eta haien produkzioak argitaratzeko sortu du: "historiamungia". Eta beste hau Geografiarako

Hamaika Haizetara

Hamaika Haizetara proiektuan parte hartzeko epea urriaren 29an ireki zen eta azaroaren 30ean amaituko da. Ekimen honek geletan lankidetza proiektuak eta Web2.0 tresnen erabilera egokia sustatu nahi du.

Parte hartzeko izen-emate orria 

Joan den ikasturtean lankidetza proiektu honetan parte hartu zuten zenbait ikastetxeren azalpenak bideo honetan entzun daitezke.
Aipatutako bideoaren zati bat azpimarratu nahi dugu: Irungo San Vicente de Paul ikastetxearen azalpena (hasierako sei minutuetan, gutxi gora behera. Haien aurkezpena lotura honetatik ikus daiteke.

Un paseo con Antonio Machado

Un paseo con Antonio Machado bideoklipen ekoizpenean oinarritutako lankidetza proiektua da. Bertan ikasmaila eta etapa desberdinetako ikastetxeek parte har dezakete.

"Hiru.com" berritu dute

Agian ez zarete sartu aspaldi "Hiru.com" web-ean, horrela bada merezi du web hau berrituta ezagutzea; bertan, material ugari eskuratu dezakezue, baita, audioak eta bideo laburrak ere, oso aproposak izan daitezkeenak ikasleekin entzumena lantzeko.

 

Irakurgaien ahozko berri laburrak

Apuntes de lengua blogeko orrialde honetan DBHko ikasleek haiek irakurritako liburuen berri ematen dute podcasten bidez.