Azalpen testua lantzeko komunikazio proiektua: "Errausketa planta"

Urte batzuk pasatu dira orain aurkezten dugun lan  hau egin genuenetik. Azalpen testua landu nahi genuen komunikazio proiektuen metodologia erabiliz . Jorratuko genuen gaia bilatzerakoan, orduan pil-pilean zegoenetako bat aukeratu genuen:  Gaintzurizketan errausketa planta bat egiteko asmoa sendoa zen, beraz, gertu gertuko  motibazioa izan zitekeen, horrelako  planta batek  nola lan egiten duen azaltzea.

Hemen duzue lan hura ( bi dokumentutan:  irakaslearena eta ikaslearena )  zuen esku; jakinda, berau  eguneratzearen alde  moldaketa batzuk egin beharko direla.

Ingelesezko albisteen bidez entzumena eta irakurmena hobetzeko gunea

News in Levels web gunean egungo albisteen grabazio laburrak entzun daitezke. Albiste bakoitzaren inguruan hiru mailatako baliabideak eskaintzen dira. Berriak ere irakur daitezke.

Ingelesezko irudi hiztegi bat

Online Photo Dictionary web guneak hiztegia ikasteko zenbait irudi aurkezten ditu. Haien gainetik sagua pasatuz gero, hainbat hitzen izenak ahoz eta idatziz ematen dira.

Europako geografia ikasi edo birpasatzeko mapak

Toporopa web gunean Europako geografiari buruzko hainbat datu lan daitezke (herrialdeen izenak, ibaiak, uharteak...).

Europako nerabeei buruzko proiektua

Picture yourself! eTwinning proiektuan hiru herrialdetako ikastetxeetako ikasleek parte hartzen dute. Hona hemen proiektuaren zenbait ezaugarri:

- Noiz: zazpi hilabetetan zehar (2011ko urritik 2012ko apririlera arte)
- Ikasle partaideen kopurua: 65
- Arloa: Ingelesa
- Helburua: Europako nerabeen profilez hausnartzea.
- IKTen erabilera: argazkiak, bideoak, audio grabazioak, galdera-sortak...
- Zenbait jarduera:
   That's Me!: Ikasleen gogoko objektuen aurkezpenak.
   The Story Of Our Daily Lives: Ikasleen aurkezpenak, eguneroko bizitza azaltzeko.
   Let Me Show You How To...: Ikasleen zenbait trebezia, zaletasun... aurkezten dira bideoz.
   Time Off!: Ikasleek sortutako galdera-sortak
   The Music We Like: Gustuko musika konpartitzeko oharrak.
   Meet The European Teen: Nerabe prototipikoak azaltzeko posterrak.
   Have Your Say!: Ikasleen iritziak, konparaketak...

Proiektuaren Twinspace gunea

Frantsesa ikasi eta pratikatzeko proiektu bat

Polar FLE proiektuak konpondu gabeko polizia-kasu bati irtenbidea aurkitzea proposatzen du aitzakiatzat irakurmena, entzumena eta gramatika lantzeko.

Frantsesa lantzeko bideoak

FLEvideo web gunean irakasleek prestatutako ariketa ugari aurki daitezke. Denak daude bideo klipetan oinarrituta eta mailen arabera sailkatuta daude. Adibide bat:

Amélie aime ou n'aime pas?


Beste bi adibide:

• Chanson des squelettes
• Les tâches ménagères

Tutorial bat ariketak sortzen ikasteko.

Ingelesezko fonetika lantzeko baliabide batzuk

Ship or Sheep izeneko orrialde honetan gutxienezko bikote fonetikoak aurkezten dira. 

Oxford University Press: New File.

• Web gune honek ingelesaren fonemak eta haiei dagozkien ikus fonetikoak eta adibideak ikus eta entzun daitezke. 

• Stress monsters jokoa hitz batean azentua zein silabatan dagoen praktikatzeko pentsatuta dago. 

Learn English Kids (British Council) web guneak ere ortografia eta fonetika lantzeko zenbait baliabide ditu. 

• Phonemic chart

• Tricky words. Fonemen inguruan antolatutako zenbait ariketa.

Komikiak online sortzeko tresna

GenMagic orrialdean komiki laburrak online sortu eta pdf bezala gorde daiteke. Hauek dira ezaugarri nagusiak:
- Hondoko irudia aukeratu ondoren, eszena hurbil daiteke.
- Pertsonaiak handitu eta bira daitezke.
- Mota desberdinetako bunbuiloak eskaintzen ditu.
- 'Arkatza' erabiltzeko aukera du.
- 'Nombre' eta 'Fecha' laukiak edita daitezke.
- Izenburua bertan idaz daiteke.
- Komikia ezin da interneten utzi edo bukatu gabe ordenagailuan gorde, baina paperez inprimatzeko aukera dago.

Ingelesezko hiztegia lantzeko bi baliabide

Tennessee's Academic Vocabulary web gunean hiztegi akademikoa lantzeko baliabide ugari jasotzen dira. Haien artean Power Point Games atalak zenbait txantiloi deskargatzeko aukera ematen du. Irakasleak -edo ikasleek beraiek- txantiloietan aldaketak eginez, birpasako jokuak era errazean sor ditzake. 

Vidtionary bideo-hiztegi bat bezala aurkezten da. Izan ere, web gune honek hainbat hitzen esanahia bideoklipen bitartez ematen da. Hitzak alfabetikoki, gaika edo gramatika kategoriaren arabera bila daitezke. Joko batzuk eta hitzak asmatzeko hizkirik gabeko zenbait bideo ere badaude.

Kixoteari buruzko bloga

Veo Quijote blogean Don Quijote de la Mancha liburuarekin lotutako hainbat baliabide, proiektu, informazio... jasotzen dira. Hona hemen adbide batzuk:

• El Quijote sincopado proiektuan DBHko 3. eta 4. mailetako ikasleek On Kixoteren zenbait pasadizo islatzen dituzte stop motion motako bideo grabazioen bidez. Lotura honetan ikasleen lanak ikus daitezke.
• Mallorcako institutu bateko ikasleek egindako bideoa Playmobil jostailuak erabiliz. 
• Lehen Hezkuntzako ikasleen irakurketak.

Grabazioen bilduma Leer.es-en

Leer.es web gunetik jendearen partaidetza sustatu nahi da 'Participa' izeneko atalean agertzen diren zenbait ekimenen bidez. Horietako batean podcastak konpartitzea proposatzen da.

Audioa erabiltzen duten zenbait jarduera

Audio fitxategiak erabiltzen dituzten zenbait proiektu:

• Audiolibruak: San Walabonso ikastetxeko ikasleek grabatutako narrazioak eta olerkiak. Adibideak: El Lazarillo de Tormes, La Odisea, Poemas de Miguel Hernández, Fábulas para niños y niñas, La Eneida
• Audiohiztegia: El Quijote liburuari buruzko ahozko hiztegia.
• Ikasleek sortutako testu laburren bilduma bat: "Si yo fuera un libro".
• Emandako testu batetik sortutako deskribapenak: "Cinco palabras"
• Irratia: Podcast Bolintxu

Zenbait online baliabide ingelesezko idazmena sustatzeko

Elkarrizketak idazteko tresnak:                            Fake Captain Kirk eta Talk to Alice                    Deskribapenak eta irudietan oinarritutako testuak idazteko baliabideak:                            Descriptions                            PicLit                    Diktaketak:                             Short Online Dictations                            Listen and Write; adibide bat: 'When I Dream'                                (Bideo tutoriala ingelesez)                    Istorioak asmatzeko pistak:                           Story Starters                           Petites històries                           Creative writing prompts                           Storybird                                      Idatzitakoa entzuteko tresnak:                           Text-to-Speech SitePal

Ingelesezko online hiztegiak erabiltzeko zenbait ideia

I. Kontsultarako tresna bezala:

Ikasleak ulertzen ez duen hitz bat edo ingelesez ezagutzen ez duen hitz bat bilatzen du.

Zenbait baliabide:

Word Reference

Cambridge

Morris

II. Ariketak eta jokuak prestatzeko iturri bezala:

Ikasleek gurutzegramak edo hitzak asmatzeko beste motatako jokoak prestatzen dituzte. Horretarako hiztegiak emandako definizioak erabiltzen dituzte. 

Baliabide bat:

Learners Dictionary

Ikasleek Pelmanism edo Snap motatako jokuak prestatzen dituzte. Horretarako, irudiak eta hitzak bilatzen dituzte.

Bi baliabide:
Esohelp

Merriam Webster Visual Dictionary

Ikasleek hitz batzuen ahoskera pratikatzen dute gero binaka edo talde txikietan gelakideei diktaketak egiteko.  

Baliabide pare bat:
Language Guide
Howjsay

Oharra: Online hiztegi gehienek publizitatea azaltzen dute. Iragarkiak ager ez daitezen, Adblock for Chrome and Firefox instala daiteke.

Ahozko iturriak Historia lantzeko

Franco diktadorearen garaiko errazionamentu kartila bat

2004-2005eko ikasturtean Irungo Berritzeguneko Dibertsifikazio Kurrikularreko Mintegian erabaki genuen Historia lantzeko ahozko iturriak erabiliko genituela.

Gaia erabaki eta gero, "Eguneroko bizitza frankismoaren garaian", mintegian prestatu eta sei ikastetxetan (Dunboa BHIn,  Hirubide BHIn,  Irungo La Sallen, Orereta Ikastolan,  Toki-Alai BHIn eta Txingudi BHIn) aurrera eraman genuen proiektu hau.

Azaldu ditzagun, oso labur bada ere, emandako zenbait  urrats:

Lehenengo, dokumentazio fase bat, non irakasleentzako eta ikasleentzako material osagarriak erabiliz garai historiko horren marko kontzeptuala eta eduki orokorrak landuko ziren.

Aurrerago, "eguneroko bizitza" delako horren barruan jorratu beharreko azpiatalak adostu. Hona hemen aukeratutakoak: jaiotza eta haurtzaroa; bikote harremanak; aisialdia, moda eta kontsumoa;  politika; erlijioa; eta lana.

Gero, ahozko iturriek Historia ezagutzeko bidean duten tokia eta garrantzia azpimarratuz, ikasleek beren aitona-amonei egiteko galdeketetarako metodologia eta prozedura prestatu ziren.

Honen ondoren, bazirudien prest geundela, letra larriz  idazten den Historia horrek diona eta gure gertukoek bizi izandakoak  kontrastatzeko.

Garai hartan elkarrizketak grabatu ondoren, transkribitu genituen eta hemen erakusten dugun lan hau publikatu genuen: Eguneroko bizitza frankismoaren garaian .

Gaur egun grabazioak online azaltzeko aukeraz bailatuko ginateke. Ea zuetako baten bat animatzen den horrelako zerbait egitera!

_____________

Beste proiektu honetan ikus dezakezue gaur egungo bailabideak erabiliz nola osatu zitekeen:

La arruga es muuy bella , Almagroko Antonio Calvín institutuko DBHko3.mailako ikasleek aitona-amonei egindako elkarrizketak.

FLE en ESO

FLE en ESO blogean DBHn frantsesa ikasi eta praktikatzeko baliabide ugari aurki daitezke. Hona hemen adibide pare bat:

'Comprendre un courriel': posta elektronikoari buruzko terminologia eta testu baten ulermena lantzeko jarduerak.

'Le comparatif: grammaire et exercices': frantsesezko konparaketa ikasi eta praktikatzeko ariketak.

Euskaraz hizkera adierazkorra

Gure gazteei erakargarri gertatzen zaizkien gauza asko -teknologia berriak, zinema, musika, antzerkia...- erdaretan sortuak eta eskainiak dira. Hori guztia kontuan hartuta, lan honek bi helburu ditu:

1. Han eta hemen bildutako tradiziozko hainbat hizketa-baliabide eta esapide gazteei helaraztea.
2. Baliabide eta esapide horiek aztertzea, gazteek behar duten hizkera propioa sortzeko edo sortzen ahalegintzeko.      

" Euskaraz hizkera adierazkorra "

Lengua Castellana: "Saca la lengua", Aitor Lazpitaren bloga

Aitor Lazpita, Granadako eskola batean lanean ari den, Bigarren Hezkuntzako Lengua Castellanako irakaslea da. "Saca la lengua" bere blogean eskolan egiten duena jasotzen du. Bertan eskuratuko dituzue idea asko, berauek gauzatzeko materialak eta ikasleen lanak. Guk, horiek guztietatik, gaur bat azpimarratuko dugu: "¿Quién eres?" proiektua.
Proiektu honen azkeneko ataza, ahozko azalpen bat egitea da. Honetara iristeko bidean, gurutzegrama bat, norberaren autorretaratoa, eguneroko bat eta irakurmeneko zenbait jarduera egin beharko dituzte

Language Guide: Frantsesa

Language Guide (Français)  web gunean frantsesa ikasteko hainbat baliabide daude. Erabilgarritasun nagusia hiztegia (idatziz nahiz ahoz) ikasi edo birpasatzean datza. Eskaintzen diren gaiak orri honetan ikus daitezke eta hemen, adibide bat (insektuak).

Horretaz gain, 'Readings' izenburuko atalean zenbait irakurketa erraz entzun eta irakur daitezke.

Gramatika lantzeko atala agian ez da oso erabilgarria DBHrako, ingelesezko azalpenak ematen baititu.